Kagyat at Matagalang Panawagan ng mga Manggagawa sa Gobyernong Aquino

Hulyo 2010

Kilusang Mayo Uno

Sa loob ng mahigit siyam na taong paghahari ng rehimen ni Gloria Macapagal-Arroyo, dumanas ang mga manggagawa at mamamayang Pilipino ng walang kaparis na pagsasamantala at pag-atake. Lalong binarat ang sahod, dinurog ang kaseguruhan sa trabaho, at ibayong inatake ang kilusang paggawa. Bahagi ang lahat ng ito ng komprehensibong atakeng neoliberal sa mga manggagawa at mamamayan – na kaakibat naman ng buong patakarang neoliberal na liberalisasyon, pribatisasyon at deregulasyon. Nangahulugan ito ng ibayong kahirapan at kagutuman sa hanay ng mga manggagawa at mamamayang Pilipino.

Ngayon, sa pagkakatanggal ng rehimeng Arroyo at pagpasok ng bagong gobyerno ni Benigno “Noynoy” Aquino III, napakaigting ng paghahangad ng mga manggagawa at mamamayan para sa kagyat na ginhawa, kagyat na mga reporma. Tampok dito ang pagpaparusa kay Gloria Macapagal-Arroyo at kanyang mga susing kasapakat para sa ibayong pagpapahirap at paggutom sa mga manggagawa at mamamayan. Kagyat na bahagi nito ang pagbawi sa tunay na halaga ng sahod, pagtatanggol sa kaseguruhan sa trabaho laban sa malaganap na kontraktwalisasyon at kaswalisasyon, at pagtigil sa pasistang atake sa mga manggagawa at kilusang paggawa. Bahagi rin nito ang malalaking reporma na matagal nang iginigiit ng mga manggagawa at mamamayan – tampok ang patatakwil sa pagsunod sa mga neoliberal na patakarang malinaw na kontra-manggagawa at kontra-mamamayan. 

(see attachment for full Workers' Agenda)