Panawagan ng mga obrero sa Senado - suportahan ang legislated wage hike

Nanawagan ngayon ang grupong Kilusang Mayo Uno (KMU) sa mga Senador na suportahan ang panukalang legislated wage increase para sa mga obrero. Sa ipinatawag na hearing ni Sen. Jinggoy Estrada, Chairman ng Congressional Oversight Committee on Labor and Employment kaugnay sa P100 wage bill na nakasampa sa Mataas na Kapulungan.

Ayon sa KMU, natutuwa sila mga pagsisikap ni Sen. Estrada na isulong ang P100 wage bill. "Malaking tulong ang ginagawa ni Sen. Estrada sa pagpapatupad ng legislated wage hike na napakatagal nang ipinaglalaban ng mga manggagawa.

"Ibubuhos ng mga manggagawa ang ang suporta nila sa P125 legislated wage increase o House Bill 345 na aprubado na sa Mababang Kapulungan, ani Elmer Labog, Tagapangulo ng KMU. Kailangan maipatupad na ang across-the-board P125 dagdag sahod sa lalong madaling panahon.

Hinikayat rin ng grupo ang mga Senador na sagutin ang mga pananakot at kontrang paninindigan ng mga kapitalista sa anumang legislated wage hike. "Dapat may positibo at iisang paninindigan ang Senado sa kaugnay sa panukalang dagdag sahod. Dapat din na pabor ito sa mga manggagawa.

Sa sobrang hirap ng buhay at matinding krisis, kailangang-kailangan ang makabuluhang umento."

Sa pagtantya ng KMU, aabot sa P600-800 kada buwan ang dagdag na gastos ng isang pamilya ngayong unang buwan ng 2007 dahil sa epekto ng panibagong pagtaas ng LPG at mga pangunahing bilihin.