Pakikiramay sa naulila ni Dan Campilan

Nakikiramay ang militanteng unyon na Kilusang Mayo Uno (KMU) sa pamilya ni Dan Campilan at maging sa GMA 7 sa pagkawala ng isa sa masigasig na reporter nito dulot ng aksidente.

Ayon sa ulat, nagmamaneho si Campilan sa Quirino highway sa Lagro, Novaliches nang makabanggaan nito ang isang bus bandang 5:30 ng madaling araw kanina.

"Kinikilala ng mga manggagawa ang paglilingkod niya, paghahanap at pagtataguyod ng katotohanan at pagseserbisyo para maisahimpapawid ang laban ng manggagawa at maralita," pahayag ni Elmer Labog, Tagapangulo ng KMU.

Binalikan ni Labog ang mahusay na coverage ni Campilan sa Lakbayan ng mga manggagawa at magsasaka mula sa Timog Katagalugan sampu ng mga pamilya ng mga biktima ng pampulitikang pamamaslang na tumungo sa Kamaynilaan para sa pakikiisa sa komemorasyon ng Martial Law.