KMU calls on Agnes Tenorio's, OFWs: don't let gov't officials bully us into silence

DESISYON NI SEC. BALDOZ SA PAL, OPENING SALVO NG HAYAGANG ATAKE AT PANUNUPIL SA KILUSANG UNYONISMO NG REHIMENG US-AQUINO...

Opening salvo ng hayagang atake at panunupil sa kilusang unyonismo ang desisyon ng mismong Kalihim ng DOLE sa gusot ng Philippine Airlines(PAL). Ipinakikita at pinatutunayan nito, sa ilalim ng rehimen ni P'NOY, legal ang kontraktwalisasyon, job-contracting, outsourcing, ang pagbawi ng job security at security of tenure, at ang pagpapahina at tuluyang pagwasak sa mga unyon. Hindi sapat at di pa kuntento ang rehimeng Aquino sa pagharang nito sa karapatang mag-welga ng mga manggagawa ng PAL sa pamamagitan ng Assumption of Jurisdiction, ibinaba pa ang desisyong ito, bukod pa sa dati nang banta ng "Open Skies Policy", na pumapabor din sa despotikong kapitalista nitong si Lucio Tan.

Inilalantad ng desisyong ito ang "matuwid na landas" para sa rehimen ni P'NOY. Ipinakikita nito na sa kanyang rehimen, tinatahak nito ang landas para gawing casual o contractual ang mga regular, handa itong bawiin ang job security at security of tenure, handa itong pigilin o ipagbawal ang karapatang mag-welga, at handa rin itong pahinain, gawing inutil at tuluyang wasakin ang mga unyon ng mga manggagawa, para sa kapakinabangan ng mga lokal at inaakit nitong mga dayuhang korporasyon.

Para pahupain ang galit ng mga manggagawa, sa pananaw ni Sec. Baldoz, pera lang ang katapat ng karapatan ng mga manggagawa, mistulang sinusuhulan pa ito ng mas mataas na kompensasyon o separation pay, at isang paslit na bibigyan n'ya ng kendi, sa pagsasabing hindi mawawalan ng trabaho ang mga matatanggal, dahil muli silang iaabsorbed o ire-rehired bilang mga contractual. Lantarang insulto sa katinuan at katalinuhan ng mga manggagawa ang desisyon at gustong mangyari ni Secretary Baldoz. Sinasalamin ng desisyong ito ang pananaw at pagtrato ng rehimeng Aquino sa mga manggagawang tagapaglikha ng kayamanan ng bansa.

Tulad sa paninindigan n'ya sa gusot sa Hacienda Luisita, hindi makikitaan ng kahit konting pagkalinga sa masang magsasaka. Ang Rehimen ni P'Noy na iniluklok ng pre-programmed na automated election na minaniobra ng Estados Unidos, ay isang Hacienderong Rehimen, na handang magpatupad ng mga kontra-magsasaka at kontra-manggagawang mga patakaran, para sa kapakinabangan ng mga lokal at dayuhang korporasyon na naaayun sa dikta ng kanyang among Imperyalistang Estados Unidos.

Asahan na, ang desisyong ito ay magbibigay lakas-loob sa mga lokal at dayuhang korporasyon upang gawin lalong talamak ang kontraktwalisasyon, job-contracting, outsourcing, pagbawi ng job security o security of tenure, pagpapahina o tuluyang pagwasak sa mga unyon, at ang pagpigil o karahasan sa karapatang mag-welga. Ang katuparan ng mga hakbang nilang ito ang magtatakda, magpapanatili at magdidikta ng sahod alipin para sa mga manggagawa.

ILANTAD ANG KONTRA-MANGGAGAWANG DESISYON NI SEC. BALDOZ !!!

ILANTAD, LABANAN AT BIGUIN ANG NAKAUMANG NA HAYAGANG
ATAKE AT PANUNUPIL SA KILUSANG MANGGAGAWA !!!

MULING PALAKASIN ANG PAKIKIBAKA LABAN SA ASSUMPTION OF
JURISDICTION, CONTRACTUALIZATION, AT IBA PANG MGA KONTRA-
MANGGAGAWANG BATAS AT PATAKARAN NA MULING BINUBUHAY AT
AT PINALALAKAS NG REHIMENG US-AQUINO !!!

MULING PALAKASIN ANG PAKIKIBAKA PARA SA KARAPATANG
MAG-UNYON AT KARAPATANG MAG-WELGA !!!