Sidebar: Terorismo sa Timog Katagalugan

Samantala, sa karatig-babuyan ng Robina, nauna nang nagpakat ng pwersang militar sa Foremost Farms, pag-aari ni Lucio Tan, para pigilang magwelga ang mga manggagawa dahil sa pagkakait ng hinihiling nilang dagdag-sahod.

Bago pa man makapaglunsad ng welga, nagbaba na ang Department of Labor and Employment ng Assumption of Jurisdiction sa babuyan, na siyang batayan ng pagpapadala ng militar sa lugar. Nasa ilalim din ng ANGLO-KMU ang unyon sa Foremost.

Bahagi ang mga nagaganap sa Robina at Foremost Farms ng nagpapatuloy na pangkalahatang panunupil sa mga progresibong organisasyon sa Timog Katagalugan.

Noong nakaraang taon, anim na lider-aktibista mula Timog Katagalugan ang inaresto at ikinulong sa batayan ng gawa-gawang mga kaso ng multiple murder at multiple frustrated murder.

Umabot na sa 72 aktibistang residente sa nasabing rehiyon ang sinampahan ng ganoong mga kaso, dahil mga kasapi umano sila ng NPA na responsable sa mga pagpatay at pambobomba. ###