MENSAHE SA IKA-9 NA PAMBANSANG KONGRESO NG KILUSANG MAYO UNO

Isang mainit at maalab na pagbati ang ipinaaabot ng mga migranteng Pilipino sa Europe sa mga kapwa manggagawa at anakpawis na nagtitipon para sa ika-9 ng Kongreso ng militante, makabayan, tunay at palabang sentro ng uring manggagawa sa Pilipinas – ang Kilusang Mayo Uno (KMU).

Sinasaluduhan ng mga migranteng Pilipino sa Europe ang di-natitinag na makauring determinasyon ng KMU na isulong at ipaglaban hindi lamang ang interes ng uring manggagawa at anakpawis, kungdi ng buong sambayanang pinagsasamantalahan, inaaapi at lumalaban.

Nakikiisa ang mga migrante sa Europe sa higit pang pagsusulong ng mga makabayan at demokratikong adhikain ng KMU, at sa pakikibaka upang kamtin ng sambayanan ang pambansa at makauring paglaya.

Mabuhay ang KILUSANG MAYO UNO!

Mabuhay ang uring MANGGAGAWA at ANAKPAWIS!

Isulong ang pakikibaka para sa PAMBANSANG KALAYAAN at DEMOKRASYA!

MIGRANTE Europe

Amsterdam, The Netherlands